ShQO-daǵy Dostyq úıinde koreı halqynyń Chýsok merekesi toılandy
ShQO Dostyq úıiniń ǵımaratynda koreılerdiń Chýsok ulttyq merekesine arnalǵan merekelik kontsert ótti.
«Kárister – kóne ádet-ǵurypty zamanaýı úrdistermen ushtastyra bilgen, ulttyq tilin, kóne mádenıetin ulyqtaı biletin halyq. Buǵan mysal retinde Chýsok merekesin keltirýge bolady. Dál osy merekede olar búkil otbasymen jınalyp, salt-dástúrlerin dáriptep, ulttyq taǵamdardy ázirleıdi. Sondaı-aq zıratqa baryp, qaıtys bolǵan ata-babalaryn eske alatyn dástúri bar», - delingen Dostyq úıi taratqan aqparatta.
Chýsok merekesi kúzgi egin jınaý maýsymymen sáıkes keledi. Mereke qarsańynda, ádette kelesi jyly astyq mol jınalýy úshin úılerdiń qabyrǵalaryna dándi daqyldar ilinedi.
«Merekeden keıin kárister osynaý «áshekeılerdi» alyp tastamaıdy, sebebi bul rýhtarǵa degen syılyq. Merekede jan-jaqtan kelgen aǵaıyn-týys bir dastarhanda bas qosady. Olar dástúrli hanbok kıimderin kıip, bı bıleıdi, mýzykalyq aspaptarda oınaıdy jáne án aıtady. Chýsok ulttyq merekesiniń qurmetine uıymdastyrylǵan shara úsh tilde, qazaq, koreı jáne orys tilderinde ótti. Kontserttik baǵdarlama jan-jaqty boldy. Túrli etnostardyń ánderi shyrqalyp, ulttyq bıler pash etildi. ShQO Dostyq úıi basshysynyń orynbasary Ravıl ıÝnýsov sharany óziniń quttyqtaý sózimen ashty. Odan keıin alǵys hattar men mereıtoılyq medaldardy tapsyrý rásimi ótti», - delingen málimette.
«Dostyq úıine 30 jyl» mereıtoılyq medalimen Shyǵys Qazaqstan oblysy koreıler qaýymdastyǵynyń músheleri Mıhaıl Lı men Galına Han marapattaldy.
Aıta keteıik, bıyl ShQO Dostyq úıi úshin aıtýly jyl. Etnomádenı birlestikter, sonyń ishinde Shyǵys Qazaqstan koreıleri qaýymdastyǵynyń qurylǵanyna 30 jyl tolyp otyr.
Vıdeodan alynǵan kadr