ShQO-daǵy Dostyq úıi «Ártúrliliktegi birlik» jobasyn bastady
ShQO Rıdder qalalyq Dostyq úıi «Ártúrliliktegi birlik» jobasyn júzege asyryp jatyr. Joba aıasynda elimizde turatyn túrli ult ókilderiniń salt-dástúri, mádenıeti tanystyrylady.
«Joba aıasynda qalalyq Dostyq úıine Rıdderdegi mektepterdiń oqýshylary ekskýrsııaǵa keldi. Balalar etnıkalyq alýan túrlilik álemine endi. Olar túrli-tústi taqyryptyq bezendirilgen etnomádenı birlestikterdiń kabınetterine bardy. Qazaqstan aýmaǵynda turatyn árbir etnostyń salt-dástúrleri men rýhanı muralary týraly kóptegen qyzyqty aqparat aldy», - delingen Dostyq úıi ókilderi taratqan aqparatta.
Shara barysynda qonaqtar «Sheberler qalasy» stýdııasynyń jáne «Zvezdochka» teatr stýdııasynyń jumysymen tanysty. Sodan soń shaǵyn teatr qoıylymynyń qatysýshylary bolyp, óz ónerlerin kórsetti.
«Ekskýrsııa keremet ótti. Óte jyly atmosfera boldy. Aldaǵy ýaqytta Dostyq úıi bizdi taǵy da shaqyrady dep úmittenemin», - dep óz áserimen bólisti №5 orta mektep oqýshylarynyń biri.
