ShQO-daǵy dala órtine baılanysty sot saraptamalary taǵaıyndaldy
Bul jaıly ShQO Aımaqtyq kommýnıkatsııalar qyzmetinde ótken baspasóz máslıhaty barysynda ShQO PD bastyǵynyń orynbasary Eldos Zakımov málim etti.
«Polıtsııa qyzmetkerleri 10 mamyrda shyqqan alapat órtke baılanysty QR QK-niń 204-baby 2-bóligine sáıkes (otpen abaısyz jumys isteý arqyly jasalǵan ne aýyr zardaptarǵa ákep soqqan nemese asa iri zalal keltirý) sotqa deıingi tergeý amaldaryn bastaǵan. Atalǵan bap boıynsha 2 myń AEK-ke deıingi mólsherde aıyppul salý nemese eki jylǵa deıingi merzimge bas bostandyǵynan aıyrý túrindegi jaza qarastyrylǵan. Kúdikti retinde buryn sotty bolmaǵan, 35 jastaǵy Rıdder qalasynyń turǵyny ustaldy . Onyń abaısyzdyǵy osyndaı aýyr saldarǵa ákep soqty», - dedi ol.
Polıtsııa departamentimen qurylǵan arnaıy jedel-tergeý tobynyń qyzmetkerleri beınejazbalardy zerdelep, kýálardyń jaýaptaryn muqııat tekserýde. Sondaı-aq tıisti sot saraptamalary taǵaıyndalǵan.
Qylmystyq isti tergeý QR Іshki ister mınıstrliginiń baqylaýyna alyndy. Ózge aqparat Qazaqstan Respýblıkasynyń Qylmystyq is júrgizý kodeksiniń 201-babyna sáıkes jarııalaýǵa jatpaıdy.