ShQO-daǵy dala órti aýyzdyqtaldy
ÓSKEMEN. QazAqparat – Shyǵys Qazaqstan oblysy Kúrshim aýdanyndaǵy dala órti aýyzdyqtaldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 9 tamyz kúni Kúrshim aýdanynda saǵat 14.00-de shyqqan tilsiz jaý búgin tańerteń aýyzdyqtaldy.
«Saǵat 09.00 shamasynda 40 gektar aýmaqqa jaıylǵan órttiń beti qaıtaryldy. Qazirgi ýaqytta oqıǵa ornynda kesheli beri jumyldyrylǵan qutqarýshylar jumys istep jatyr», - dep habarlady vedomstvo ókilderi.
Esterińizge sala ketsek, keshe Kúrshimde ashyq dalada shóp órtengenin habarlaǵan bolatynbyz. 10 tamyzda qyzyl jalynmen kúreske Óskemen qalasynan taǵy 20 órt sóndirýshi tartylǵan.
