ShQO-daǵy Buqtyrma sý qoımasyna 24 jastaǵy jigit batyp ketti
ÓSKEMEN. QazAqparat - Shyǵys Qazaqstan oblysyndaǵy Buqtyrma sý qoımasyna shomylyp júrgen 24 jastaǵy jigit sýǵa ketti, dep habarlaıdy «QazAqparat» HAA tilshisi óńirlik TJ departamentine silteme jasap.
«Qaıǵyly oqıǵa Katonqaraǵaı aýdanynyń Prımorsk aýylynda boldy. Qaıtys bolǵan azamat Belqaraǵaıdyń turǵyny, bul jerge týystarymen demalýǵa kelgen. Jergilikti turǵyndardyń munda sýǵa shomylýǵa kelýi qalypty jaǵdaı», - deıdi jergilikti qutqarý qyzmetiniń qyzmetkerleri.
Jigit alysqa júzip ketken. Biraz ýaqyt ótkennen keıin alańdaı bastaǵan týysqandary qutqarýshylardyń kómegine júgingen. Alaıda, jigittiń denesin jergilikti balyqshylar taýyp alyp, jaǵaǵa shyǵarǵan.
Shomylý maýsymy bastalǵaly beri oblysta 21 adam sýǵa batyp ketken. Olardyń 76%-y sýǵa túsýge arnalmaǵan jerlerge túsken.
Shyǵys Qazaqstan oblysynda sýǵa shomylýǵa jaramdy 2 myńnan astam sý qoımasy bar. Olar turǵyndary az eldimekenderde nemese soǵan jaqyn mańdarda ornalasqan. Bul oryndarǵa turǵyndar sýǵa túsýge kóp keldi, alaıda ol jerler sýǵa shomylýǵa jabdyqtalmaǵan, sol sebepti bul oryndar qaıǵyly jaǵdaılardyń oryn alýyna ákep soqtyrady.
