ShQO-daǵy Buqtyrma ózeninde muzdy jarý jumystary júrgizildi
ÓSKEMEN. QazAqparat – Shyǵys Qazaqstan oblysyndaǵy Buqtyrma ózeninde muzdy jarý jumystary júrgizildi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, óńir boıynsha sý tasqynynyń aldyn alý úshin muzdy usaqtaý sharalary júrgizilip jatyr.
- Altaı aýdany Zýbovsk kentindegi Burtyrma ózeninde muz jaryldy. Jalpy kólemi 1238 keli jarylǵysh zat paıdalanyldy.Osy ýchaskedegi qaýipsizdikti qutqarýshylar men polıtsııa qyzmetkerleri qamtamasyz etti, - delingen aqparatta.
Aıta keteıik, óńir boıynsha ózenderdegi qar qory ortasha kópjyldyq deńgeıde. Oblystaǵy 108 eldi mekendi sý basý qaýpi bar. Jalpy Shyǵys Qazaqstanda 2021-2023 jyldarǵa arnalǵan sý tasqynyna qarsy is-sharalardyń jol kartasy sheńberinde 162 mln teńgege 11 shara júzege asyrylǵan.
