ShQO-daǵy Buqtyrma ózeninde muz jarý jumystary júrgizildi
ÓSKEMEN. QazAqparat – Shyǵys Qazaqstan oblysyndaǵy Buqtyrma ózeninde muz jaryldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, Katonqaraǵaı aýdanynda muzdy usaqtaý jumystary júrgizildi.
«Shyǵys Qazaqstanda sý tasqyny qaýpi bar kezeńde jergilikti atqarýshy organdar men qutqarýshylar kúsheıtilgen rejımde jumys isteýde. Muz keptelýiniń aldyn alý maqsatynda Katonqaraǵaıdaǵy Buqtyrma ózeninde muz jaryldy», - delingen aqparatta.
Sennoe, Korobıha, Barlyq aýyldaryndaǵy 3 ýchaskede 1756 keli jarylǵysh zat paıdalanylǵan.
