ShQO-daǵy birneshe aýdanda boranǵa baılanysty ekinshi aýysymdaǵy oqýshylar mektepke barmaıdy

ÓSKEMEN. QazAqparat – Shyǵys Qazaqstan oblysyndaǵy birneshe aýdanda boranǵa baılanysty ekinshi aýysymdaǵy oqýshylar qashyqtan oqıdy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, keıbir aýdandarda aýa raıy qolaısyzdyǵyna, naqty aıtqanda boranǵa baılanysty búgin ekinshi aýysymdaǵy oqýshylar mektepke barmaıdy.

«Kúrshim aýdanyndaǵy Aqbulaq, Aqsýat, Aqshı, Qarashilik, Qaratoǵaı, Marqakól aýyldarynda jáne Glýbokoe aýdanyndaǵy Predgornyı, Perevalnyı aýyldaryndaǵy mektep oqýshylary onlaın formatta bilim alady», - delingen aqparatta.

Eske salsaq, osyǵan deıin Shyǵys Qazaqstanda boranǵa baılanysty eki jol jabylǵandyǵyn habarlaǵan edik.