ShQO-daǵy birqatar jolda kólik qozǵalysyna qoıylǵan shekteý alyndy

ÓSKEMEN. QazAqparat – Shyǵys Qazaqstan oblysyndaǵy birqatar jolda kólik qozǵalysyna qoıylǵan shekteý alyndy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, 5 sáýirden bastap óńirdegi birqatar jolda kólik qozǵalysyna qoıylǵan shekteý alynyp tastaldy.

«Atap aıtqanda, respýblıkalyq mańyzy bar «Óskemen–Rıdder–Reseı Federatsııasynyń shekarasy», «Óskemen–Altaı–Katon-Qaraǵaı–Úlken Naryn–Rahman qaınarlary» tasjoldarynda, oblystyq mańyzdaǵy «Óskemen–Samar, Óskemen–Taýly Úlbi–Soltústik, «Uranhaıka–Tósqaıyń» tasjoldarynda tirkemesi jáne jartylaı tirkemesi bar kólik quraldarynyń qozǵalysyna aýa temperatýrasy sýytqaly beri qoıylǵan shekteý alyndy», - delingen aqparatta.

Eske salsaq, osyǵan deıin Buqtyrmada negizgi kópirdi salýǵa qajet ýaqytsha kópir turǵyzylǵany habarlanǵan.