ShQO-daǵy bes mektepte 600-ge jýyq bala frantsýz tilin úırenýde

ÓSKEMEN. QazAqparat – Shyǵys Qazaqstan oblysyndaǵy bes mektepte 600-ge jýyq bala frantsýz tilin úırenýde, dep habarlaıdy QazAqparat tilshisi.

ShQO Bilim basqarmasy baspasóz qyzmetiniń málimetine súıensek, óńir mektepterinde qazaq, orys, aǵylshyn tilderinen bólek, nemis, frantsýz tilderi oqytylýda. Búgingi tańda bul eki tildi bir jarym myńnan astam oqýshy oqyp jatyr.

«Óńirdegi bes mektepte 600-ge jýyq bala frantsýz tilin úırenýde. Bul mektepterdiń 17 muǵalimi frantsýz tilinde sóıleıtin sertıfıkattalǵan mamandardan bilim alsa, jeti ustaz Frantsııaǵa baryp taǵylymdamadan ótip kelgen. Ótken jyldyń sońynda eki el arasyndaǵy ózara yntymaqtastyq aıasynda Frantsııadan kelgen volonter Alen Geren mektepterge frantsýz tilindegi ǵylymı, ádistemelik jáne balalar ádebıetterin tapsyrdy», - delingen aqparatta.

Shyǵys Qazaqstannyń alty mektebinde 900-den astam bala nemis tilin oqıdy. Osy oraıda Qazaqstan men Germanııa bilim ordalary arasynda yntymaqtastyq jalǵasýda.