ShQO-daǵy basqarma basshylary 720 aýylǵa baryp, halyqtyń usynystaryn tyńdaıdy

ÓSKEMEN. QazAqparat – Shyǵys Qazaqstan oblysynyń ákimi Danıal Ahmetov máslıhat depýtattary men basqarma basshylaryna 720 aýylǵa baryp, halyqtyń usynystaryn tyńdaý qajettigin aıtty, dep habarlaıdy QazAqparat tilshisi.

Danıal Ahmetov oblystyń áleýmettik-ekonomıkalyq damý máseleleri boıynsha jınalys ótkizdi. Onda turǵyn úı, áleýmettik nysandar qurylysy sóz etildi.

«Nysandardy salatyn merdigerler barlyq jumystardyń naqty kestesi usynylǵan úsh jaqty qujatqa qol qoıýlary qajet. Bıyl biz birqatar jobalardy aıaqtaımyz. Atap aıtqanda, Stepnoı kentindegi jáne Rıdder qalasyndaǵy mektepter, Óskemendegi 244 oryndyq jataqhana, Semeıdegi ońaltý ortalyǵynyń qurylysy aıaqtalady. Osy aıda Óskemende álemdik standartqa saı salynǵan ústel tennısi ortalyǵy paıdalanýǵa berilmek», - dedi aımaq basshysy.

Onyń aıtýynsha, TÚKSh salasynda 60-tan astam joba iske asyrylady. Olar sýmen jabdyqtaý júıelerin qaıta jańartýǵa, aýdandarda blokty-modýldi stantsııalar salýǵa jáne basqa da ınjenerlik-kommýnaldyq ınfraqurylymǵa qatysty bolyp otyr.

«Oblystyq máslıhat depýtattary men basqarma basshylary Shyǵys Qazaqstannyń 720 eldi mekeniniń árqaısysyna jeke barýlary qajet. Aýyldyń tynys-tirshiligimen tanysyp, halyqtyń usynystaryn tyńdap, árbir eldi mekenniń naqty damý josparyn qurý kerek», - dedi Danıal Ahmetov.