ShQO-daǵy balalardyń gepatıtine qatysty mektep dırektory jaýapkershilikke tartyldy
Bul týraly Astanada QR Densaýlyq saqtaý mınıstrligi Qoǵamdyq densaýlyq saqtaý komıtetiniń tóraǵasy, bas sanıtarlyq dáriger Jandarbek Bekshın málim etti, dep habarlaıdy «QazAqparat» HAA tilshisi.
«Qazir biz medıtsına qyzmetkerleriniń kemshilikterin anyqtap, olarǵa aıyppul saldyq. Mektep dırektorynyń da keıbir kemshilikteri bar, bul rette tazalyq jaǵynan, zalalsyzdandyrý preparattarynyń azdyǵy úshin ákimshilik aıyppulǵa tartyldy. Tekserý sharalary aıaqtalǵannan keıin búkil materıaldar ishki organdaryna tapsyrylady», - dedi J. Bekshın Ortalyq kommýnıkatsııalar qyzmetinde.
Onyń sózine qaraǵanda, ShQO-daǵy aýrýdy juqtyrý sebebin anyqtaý úshin arnaıy komıssııa bardy. Onyń quramynda Densaýlyq saqtaý mınıstrliginiń, S.J.Asfendııarov atyndaǵy Qazaq ulttyq medıtsınalyq ýnıversıtetiniń, sonymen qatar Sanıtarlyq-epıdemıologııalyq saraptamanyń ǵylymı-tájirıbelik ortalyǵynyń mamandary kirdi. Jalpy, aýyldaǵy jaǵdaı mınıstrliktiń baqylaýynda tur», - dedi Bekshın.
Budan buryn habarlanǵandaı, Shyǵys Qazaqstandaǵy Úrjar aýdanynyń Sholpan aýylynda 12 bala «A» gepatıtimen aýyrǵany rastaldy.
Búginde aýyldaǵy jaǵdaı tolyq baqylaýda tur. Mektepti kúsheıtilgen dızınfektsııalyq rejimge kóshirilip, sondaı-aq kabınettik bilim berý júıesine shekteý engizildi.