ShQO-daǵy avtojolda jasandy qar kóshkini júrgizildi
ASTANA. QazAqparat - Mamandary jol qaýipsizdigin qamtamasyz etý maqsatynda «Óskemen -Taýly Úlbi- Severnoe» avtojolynda qar kóshkininiń aldyn alý jumystaryn júrgizdi, dep habarlaıdy «Qazseldenqorǵaý» MM.
Nátıjesinde 13 myń tekshe metr qar tústi. Taý etegine túsken qar qar avtojoldy tolyǵymen jaýyp qaldy. «Oblshyǵysjol» KMK-nyń 3 qar tazalaǵysh tehnıkasy jumys istedi. Saǵat 15:00-de jol júrý qamtamasyz etildi. Zardap shekkender joq. Qazirgi ýaqytta atalǵan aımaqtaǵy avtojol qaýipsiz.
Jalpy jumystarǵa 26 adam jáne 9 tehnıka jumyldyryldy. Olar «Qazseldenqorǵaý» MM, «ShAAJQT» MM, «Vostokvzryvprom» JShS, Jol polıtsııasy, ShQO TJD, Apattyq medıtsına, «Oblshyǵysjol» KMK mekemelerine tıesili.
