ShQO-daǵy avtobýs apaty: Oqýshylar respýblıkalyq chempıonatqa bara jatqan
ÓSKEMEN. QazAqparat - Shyǵys Qazaqstan oblysynda avtobýs pen júk kóligi soqtyǵysqan jol apatynyń jaı-japsary belgili boldy, dep habarlaıdy QazAqparat.
ShQO dene shynyqtyrý jáne sport basqarmasy baspasóz qyzmetiniń málimetinshe, balalar Shemonaıha aýdanynda ótip jatqan Balalar jáne jasóspirimder arasyndaǵy QR chempıonatyna qatysý úshin jolǵa shyqqan. Salonda Oral qalasynan 12 jáne ShQO-dan 28 sportshy bolǵan. Olar - sporttyq baǵdarlaý boıynsha jarysqa qatysýshylar.
«Shyǵysqazaqstandyq úsh bala aýrýhanaǵa jetkizildi. Biraq olardan bas-mı jaraqaty anyqtalmady. Basy aýyryp turǵanyn aıtqan 4 oraldyq sportshy da medıtsınalyq mekemege jetkizildi. Kishigirim jaraqat alǵan sportshylar aýrýhanaǵa barýdan bas tartty. Sondaı-aq olarmen birge bolǵan memlekettik jattyqtyrýshy aıaǵy synǵan degen kúdikpen aýrýhanaǵa jetkizildi» delingen málimette.
Eske sala keteıik, búgin tańerteń Shyǵys Qazaqstan oblysynda balalar otyrǵan avtobýs jol apatyna ushyrady. ShQO polıtsııa departamenti baspasóz qyzmetiniń málimetinshe, qoǵamdyq kólikte 53 jolaýshy otyrǵan, sonyń 46-sy - bala. Onyń ishinde 8 bala jaraqat alǵan bolatyn.
