ShQO-daǵy aýrýhanada skalpelsiz ota jasala bastady
ÓSKEMEN. QazAqparat – Shyǵys Qazaqstan oblysy Altaı aýdandyq ortalyq aýrýhanasynda zamanaýı angıograf iske qosyldy, dep habarlaıdy QazAqparat tilshisi.
Naýqastarǵa skalpelsiz jasalatyn otany dáriger-ıntervent Damır Jýnıshanov júrgizedi. Interventsııalyq nemese endovaskýlıarlyq hırýrgııa - bul rentgendik endovaskýlıarlyq ádisti qoldana otyryp, zaqymdalǵan múshege tamyrlar arqyly ota jasaý. Oryndalǵan manıpýlıatsııalardy vızýaldy baqylaý aýdandyq aýrýhanadaǵy joǵary tehnologııalyq angıografııalyq jabdyqpen qamtamasyz etilgen.
Endi naýqastarǵa Óskemen qalasyna barýdyń qajeti joq. Sebebi kóptegen otalar aýdanda da jasala bastady.
«Kez-kelgen ınfarkt osylaı emdelmese júrek bulshyqetiniń nekrozyna jáne ólimge ákeletindigi sózsiz. Qazir bizde stenokardııamen aýyratyn 61 jastaǵy naýqas emdelýde. Bul ádis onyń ıshemııasy bar-joǵyn, buyndarynyń jetkilikti dárejede jumys atqaratynyn tekserýge, tamyrlardyń tarylǵandyǵyn anyqtaýǵa múmkindik beredi. Qajet bolsa, stent ornatylady. Mamandardy daıyndaý úsh jylǵa sozylady. Biraq biz kóp kúte almaımyz, sondyqtan aýdanǵa Óskemennen arnaıy dáriger-ınterventti shaqyrdyq. Mundaı otalardyń qajettiligi óte zor», - deıdi aýdandyq aýrýhananyń bas dárigeri Oljas Nurkenov.
