ShQO-daǵy aýrýhana kásipker quqyǵyn buzyp, 16 mln teńgege kórsetilgen qyzmet aqysyn tólemegen
ShQO Kásipkerler palatasy baspasóz qyzmetiniń málimetine súıensek, Shemonaıha aýdanyndaǵy mobıldi topqa densaýlyq saqtaý salasynda jumys isteıtin kásipker júgingen.
Óz sózinde ol aýdandyq aýrýhananyń oryndalǵan jumystarǵa, kórsetilgen qyzmetterge jáne kásipker jetkizgen taýarlarǵa aqy tóleý boıynsha sharttyq mindettemelerin oryndamaǵanyn jetkizdi.
«Taldaý barysynda aýrýhananyń jalpy qaryzy 16,3 mln teńgege jetetini anyqtaldy. Bul bıznestiń múliktik quqyqtarynyń jáne kásipkerlik sýbektileri men memleket arasyndaǵy ózara is-qımyldyń zańdylyq prıntsıpiniń buzylýy», - delingen aqparatta.
Prokýratýranyń Shemonaıha aýdandyq aýrýhanasyna bergen usynymynan keıin másele oń sheshimin tapty. Qazirgi ýaqytta jeke kásipkerge qaryz somasy tolyqtaı tólendi. Sondaı-aq kináli adamdar tártiptik jaýapkershilikke tartyldy.