ShQO-daǵy Atom kóli: Adamdar qaýipti sýǵa shomylýǵa nege qumar
SEMEI. QazAqparat - Qazaqstandyq Ulttyq ıadrolyq ortalyǵynyń ǵalymdary atom kóliniń demalýshylarǵa qaýipti ekenin aıtyp, dabyl qaǵyp otyr, dep habarlaıdy QazAqparat «Habar 24» arnasyna silteme jasap.
Sý qoımasy burynǵy Semeı polıgonynyń aýmaǵynda ornalasqan. Bul - termoıadorlyq jarylystyń saldarynan paıda bolǵan radıatsııalyq qaýipti nysan. Osyǵan qaramastan kól jaǵasyna balalarymen kelip demalatyndar kóp.
Mamandardyń aıtýynsha, sý qoımasynda ýaqyt ótkizý óte qaýipti. Óıtkeni demalys barysynda adam aǵzasyna topyraq quramyndaǵy radıonýklıdter enip, zııandy sáýle zııan keltirýi múmkin.
«Sońǵy issapar barysynda biz demalýshylarǵa atom kólinde ýaqyt ótkizýdiń qanshalyqty qaýipti ekenin túsindirdik. Ókinishke qaraı, adamdar túsinbeıdi nemese bul jaǵdaıǵa asa mán bere qoımaıdy. Kólde radıatsııalyq fonnyń kórsetkishi joǵary, degenmen bul negizgi qaýip emes. Negizgi qaýip bul - radıonýklıdterdiń aýa arqyly aǵzaǵa enýi nemese baıqaýsyzda radıonýklıd bólshekteri bar topyraqty sýmen jutý», - dedi QR UıAO radıatsııalyq qaýipsizdik pen ekologııa ınstıtýtynyń bólim basshysy Andreı Panıtskıı.
