ShQO-daǵy arnaıy áleýmettik ortalyq karantın kezinde qalaı jumys istedi

ÓSKEMEN. QazAqparat –Shyǵys Qazaqstan oblysyndaǵy Zımovevka arnaıy áleýmettik qyzmet kórsetý ortalyǵynyń dırektory Irına Feklıstova koronavırýs pandemııasy kezinde qalaı jumys istep jatqandary týraly aıtyp berdi, dep habarlaıdy QazAqparat tilshisi.

Zımovevka arnaıy áleýmettik qyzmet kórsetý ortalyǵy talaı jyldan beri densaýlyǵy erekshe kútimdi qajet etetin jandarǵa qamqorlyq kórsetip keledi. Bul mekemede em qabyldap, ońaltý kýrsynan ótken patsıentterdiń deni qoǵamdaǵy qalypty ómir súrýge kóshken. Oblystaǵy memlekettik organdardyń qoldaýymen mundaǵy ońaltý bólimshesiniń jaǵdaıy birshama jaqsartyldy. Bıyl ortalyqtyń qamqorlyǵyndaǵy eki adam ońaltýdyń tolyq kýrsynan ótip, qalypty ómirge daıyndalýda.

Osy jyly atalmysh mekemeniń jumysyna koronavırýs ınfektsııasyna baılanysty ózgertýler engizildi. Bul ortalyqta turatyn adamdardyń deni atalǵan vırýsty juqtyrý qaýpi joǵary topqa jatady. Sondaı-aq, vırýs qyzmetkerler men kelýshilerge de juǵýy múmkin.

Zımovevka arnaıy áleýmettik qyzmet kórsetý ortalyǵynyń dırektory Irına Feklıstovanyń aıtýynsha, karantın kezinde mekeme qamqorlyǵyndaǵy adamdar men qyzmetkerlerdiń qaýipsizdigi úshin mundaǵy jumys ýaqyty vahtalyq rejımge aýystyrylǵan. Soǵan oraı qyzmetkerler eki apta saıyn kezektesip eńbek etken. Qazirgi ýaqytta vahtalyq ádis alynyp tastaldy. Mekeme burynǵy jumys rejımine kóshti. Dese de barlyq sanıtarlyq talaptar qatań saqtalýda.

Irına ıÝrevnanyń aıtýynsha, ortalyqqa oblys ákimdigi kóp qoldaý kórsetip keledi. Budan bólek, memlekettik jáne bank qyzmetkerleriniń kásipodaq uıymy men «Qyzmet» qoǵamdyq qyzmet kórsetý ortalyǵy da demeý bildirýde.

«Jumyspen qamtýdyń jol kartasy» baǵdarlamasy aıasynda eńbek terapııasy korpýsyna jóndeý jumystary júrgizildi. Sonymen qatar mekeme aýmaǵy abattandyryldy. Eń bastysy, jańa modýldik qazandyq salynýda. Áıtpese, buǵan deıin 58 jyl boıy jóndelip kele jatqan qazandyqty paıdalanyp kelgen edik», - dedi Irına Feklıstova.

«Vmeste my smojem bolshe» aktsııasy aıasynda ortalyqqa kásipodaq tarapynan materıaldyq kómek kórsetildi. Mekeme qyzmetkerlerine arnap jeke medıtsınalyq qorǵanys quraldary men azyq-túlikter satyp alyndy. Sondaı-aq jalǵyzbasty jáne kópbalaly analardyń balalaryna kómek kórsetý maqsatynda aıaq kıimderge tapsyrys berildi.

Kásipodaq tóraıymy Sáýle Samarhanovanyń aıtýynsha, kásipodaq qyzmetkerlerdiń áleýmettik-ekonomıkalyq jaǵdaıyn jaqsartýǵa jáne árbir qazaqstandyqtyń erteńgi kúnge senimmen qadam basýyna kómek kórsetedi.

«Biz karantın kezinde monıtorıng jasap, kásipodaq múshelerine materıaldyq jáne áleýmettik kómek kórsetýge tyrysyp kelemiz», - dedi ol.