ShQO-daǵy árbir úshinshi jer úıde órt qaýipsizdigi talaptary buzylǵan

ÓSKEMEN. QazAqparat – Shyǵys Qazaqstan oblysyndaǵy árbir úshinshi jer úıde órt qaýipsizdigi talaptary buzylǵan, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, jylytý kezeńi bastalǵaly qutqarýshylar jer úılerge baqylaýdy kúsheıtti.

Barlyǵy 67 000-nan astam úı tekserilip, nátıjesinde órt qaýipsizdigin buzýdyń 15 581 faktisi anyqtaldy. Bul negizinen peshterdi, elektr jabdyqtary men aspaptardy paıdalaný kezinde qaýipsizdik erejelerin saqtamaýǵa qatysty bolyp otyr.

«Ár úıde oblystyq TJD ınspektorlary men órt sóndirýshiler túsindirý jumystaryn júrgizdi. Bizdiń basty mindetimiz – órt shyǵýynyń jáne turǵyndarǵa ıis tııýiniń aldyn alý», - deıdi departament bastyǵynyń orynbasary Serik Amangeldın.

Reıdter árbir úshinshi úıde órt qaýipsizdigi talaptary buzylǵandyǵyn kórsetti. TJD qyzmetkerleriniń turaqty eskertýlerine qaramastan, olqylyqtyń ornyn toltyryp jatqandar az.

Aıta ketý kerek, jyl basynan beri oblystaǵy jer úılerde 211 ret órt boldy.