ShQO-daǵy Alakólde úsh adam qutqaryldy
ÓSKEMEN. QazAqparat - Alakóldegi izdestirý jumystary nátıjeli aıaqtaldy. Jaǵalaýdan alys aǵyzyp áketken katamaranda bolǵan úsh er adam qutqaryldy.
29, 32 jáne 37 jastaǵylar túngi ýaqytta katamaranǵa otyrǵan, dep habarlady oblystyq TJD.
Keshe óńirdiń sý qoımalarynda eki adam sýǵa ketti. Buqtyrma sý qoımasyndaǵy «Altaıskaıa býhta» demalys ornynda 33 jastaǵy er adam qutqarýshylar baqylamaıtyn sý aıdynynda shomylyp, sýǵa batyp ketti. Onyń máıitin qutqarýshylar tapty .
Sol kúni tańerteń Úrjar aýdanynyń qutqarý qyzmetine Eltaı aýyly Maqanshy ózeninde 11 jasar balanyń batyp ketkeni týraly habar tústi. 4 synyp oqýshysy tereńdigi 1 metr jerde júzip júrgen. Onyń máıitin jergilikti turǵyndar tapty.
Bir táýlik buryn Maleevka kentindegi Buqtyrma jáne Proletarka aýylyndaǵy Ertis ózenderinen sýǵa ketken 26 jáne 36 jastaǵy eki jigittiń múrdesi tabyldy. Olar shomylǵan sý qoımasynyń tereńdigi 2-2,5 metr, dep habarlady TJD.
