ShQO-daǵy 9 ózende laı kóshkini júrý qaýpi bar
ShQO Tótenshe jaǵdaılar departamenti baspasóz qyzmetiniń málimetine súıensek, óńir boıynsha barlyǵy 23 oshaqta sel qaýpi bar. Oblystaǵy 6 aýdannyń joǵarǵy taýlarynda paıda bolǵan 146 muzdyq kól 13 eldi mekenge qaýip tóndiredi. Jyl saıyn qaýipsizdik maqsatynda kólder muzdan áli ashylmaǵan sátten bastap jáne olardyń tolyq erýine deıin sel qaýpin baqylaý úshin aerovızýaldy zertteýler júrgiziledi.
«Shyǵys Qazaqstandaǵy 9 ózende laı kóshkini júrý qaýpi baıqalady. Sel jáne laı kóshkini qaýpi bar kezeńnen qaýipsiz ótý maqsatynda departament qyzmetkerleri «Qazseldenqorǵaý» MM mamandarymen birlesip, is-sharalar josparyn ázirledi. Ózen arnalary men qaýipti ýchaskelerde sel men laı kóshkinin baqylaý boıynsha aerovızýaldy zertteý kestesi ázirlendi. Aldaǵy ýaqytta oblysta muzdyq kólderde batımetrııalyq jumystar júrgizý josparlanǵan», - delingen aqparatta.
Sel qaýpi bar ýchaskelerde 46 eskertý jáne tyıym salý belgileri, laı kóshkini qaýpi bar jerlerge 18 qalqan ornatyldy. Jergilikti aýqymdaǵy tótenshe jaǵdaılardy jáne olardyń zardaptaryn joıý jónindegi is-qımyl josparyna sáıkes óńir aýmaǵynda kúshter men quraldar toby qurylǵan. Onda jeke quramnan 547 adam, 77 tehnıka, 122 jyljymaly motopompa jáne 30 júzý quraly kiredi.
Qazirgi ýaqytta oblysta sel jáne laı kóshkini jaǵdaıy turaqty. Barlyq sel qaýpi bar ýchaskeler mamandar baqylaýynda. TJD kúshteri men quraldary turaqty daıyndyqta.
