ShQO-daǵy 52 eldi mekende ınternet jyldamdyǵy arttyrylady
ÓSKEMEN. QazAqparat - Shyǵys Qazaqstan oblysyndaǵy 52 eldi mekende ınternet jyldamdyǵy jaqsarady, dep habarlaıdy QazAqparat tilshisi.
Osy maqsatta jergilikti bıýdjet esebinen 136,6 mln teńge bólingen.
«Oqýshylar úshin «Balapan» jáne «El arna» telearnalary arqyly sabaqtar uıymdastyrylýda. Telesabaqtardyń ótetin ýaqytyn kún saıyn basqarmanyń áleýmettik jelilerinen kórýge bolady. 647 mekteptiń 271-i balalardy qashyqtan oqytýda. Olar tsıfrlyq bilim platformalarymen qamtamasyz etilgen. 225 mektep Online mektep.kz platformasyna qosyldy. 42 mektep Daryn.online.kz platformasynda, 2 mamandandyrylǵan mektep Edupage.kz júıesin qoldanýda. Jalpy, platformalarmen jumys isteý barysynda eshqandaı qıyndyqtar týyndaǵan joq, - dedi ShQO Aqparattyq ortalyǵynda ótken onlaın brıfıng barysynda oblystyq Bilim basqarmasynyń basshysy Saırangúl Jumadilova.
Onyń aıtýynsha, aldaǵy ýaqytta aýyldy jerlerde qashyqtan oqytý formatyn jeńildetý úshin 52 eldi mekende ınternet jyldamdyǵy arttyrylady.
