ShQO-daǵy 13 jol ýchaskesin sý basý qaýpi bar
Bul týraly búgin ShQO Óńirlik kommýnıkatsııalar qyzmetinde ótken baspasóz máslıhaty barysynda oblystyq Jolaýshylar kóligi jáne avtomobıl joldary basqarmasynyń basshysy Nurjan Jumadilov málim etti.
«Kóktemgi sý tasqyny kezeńinde oblys boıynsha sý basý qaýpi bar 13 jol ýchaskesi anyqtaldy. Bul ýchaskeleriniń basym bóligi Katonqaraǵaı aýdanynda ornalasqan. Atap aıtqanda, Úlken Naryn-Kúrshim jolynyń ýchaskeleri, Óskemen-Tarǵyn-Samar, Omby-Maıqapshaǵaı, Shemonaıha-Sekısovka, Vasılevka-Bozanbaı, Tarhanka-Topıha,Altaı-Chapaev, Altaı-Novo-Haırýzov ótkelderi. Atalǵan ýchaskelerdiń barlyǵy erekshe baqylaýǵa alyndy», - deıdi ol.
Joldardaǵy sý ótkizgish qubyrlardy tazalaý jumystary aqpan aıynyń sońynda bastalyp, 20 naýryzǵa deıin aıaqtalady. Tótenshe jaǵdaı kezinde mamandarmen jáne arnaıy tehnıkamen jasaqtalǵan jedel áreket etý otrıady jumys isteıdi.