ShQO-daǵy 11 ýchaskede muz jarý jumystary júrgizildi
ÓSKEMEN. QazAqparat – Shyǵys Qazaqstan oblysyndaǵy 11 ýchaskede muz jarý jumystary júrgizildi, dep habarlaıdy QazAqparat tilshisi.
ShQO TJD baspasóz qyzmetiniń málimetine súıensek, departament mamandary sý tasqynynyń aldyn alý maqsatynda birqatar sharalardy qolǵa alýda. Atap aıtqanda, oblys ózenderindegi qaýipti sanalatyn 11 ýchaskede muz jarý jumystary júrgizilgen. Bul úshin 4 tonnadan astam jarylǵysh zat jumsaldy.
«Shyǵys Qazaqstanda seń júrgen kezde muz keptelýi múmkin 18 qaýipti ýchaske anyqtalyp otyr. Ondaǵy muz qalyńdyǵy 50 sm-den 1,5 metrge deıin jetedi. 24 naýryzda Maleevsk jáne Zýbovsk aýyldarynyń mańyndaǵy Buqtyrma ózeninde muz jarý jumystaryn júrgizdik. Erteń Bykovo jáne Bogatyrevo aýyldarynda osyndaı sharalar atqarylýda», - dedi oblystyq TJD Tótenshe jaǵdaılardyń aldyn alý basqarmasynyń bastyǵy Alekseı Shtykel.
Aýa temperatýrasynyń joǵarylaýyna baılanysty Altaı aýdanyndaǵy Maleevsk aýyldyq okrýginiń aýmaǵynda Pýtıntsevo, Bogatyrevo, Bykovo aýyldaryna aparatyn joldyń boıynda jasandy jolmen qar kóshkini júrgizilgen. Nátıjesinde 15 myń tekshe metr qar tústi.
Búginde óńirdegi 94 qaýipti ýchaske mamandar baqylaýyna alynǵan. Departament qyzmetkerleri oblys ózenderindegi jaǵdaıdy turaqty nazarda ustaýda.
«Qutqarýshylar turǵyndarǵa kóktemgi sý tasqynynyń qaýpin eskertýde. Balyq aýlaý oryndary men ańshylyq dúkenderde reıdter júrgizip, jadynama taratýda. Sondaı-aq muz ústinde balyq aýlaý kezindegi saqtyq erejelerin qaperde ustaý qajettigin túsindirip jatyr», - dep habarlady vedomstvo ókilderi.
