ShQO-daǵy joldardyń birinde kólik qozǵalysyna tyıym salyndy
ÓSKEMEN. KAZINFORM – Shyǵys Qazaqstan oblysyndaǵy tasjoldardyń birinde kólik qozǵalysyna tyıym salyndy.
ShQO tótenshe jaǵdaılar departamenti baspasóz qyzmetiniń málimetine súıensek, óńirde aýa raıynyń nasharlaýyna, naqty aıtqanda joldyń durys kórinbeýine baılanysty joldardyń biri jabyldy.
«29 qarasha saǵat 21-00-den bastap oblystyq mańyzy bar Vasılevka-Bozanbaı-Alǵabas-Tarǵyn tasjolynyń 21-36 shaqyrymynda kóliktiń barlyq túri úshin qozǵalysqa tyıym salyndy. Sondyqtan júrgizýshilerge óz marshrýttaryn aldyn ala josparlap alýdy suraımyz», - delingen aqparatta.
Osy rette, qutqarýshylar halyqqa joldardyń jaı-kúıin «Dármen» mobıldi qosymshasy arqyly bilip otyrýǵa keńes berdi.
Eske salsaq, búgin túste Qyzylorda jáne Aqtóbe oblystarynda kólik qozǵalysyna shekteý qoıylǵany habarlanǵan.
