ShQO-daǵy joldardyń birinde kólik qozǵalysy shekteledi
ÓSKEMEN. KAZINFORM — Shyǵys Qazaqstan oblysyndaǵy joldardyń birinde tumanǵa baılanysty kólik qozǵalysyna shekteý qoıylady.
ShQO Tótenshe jaǵdaılar departamenti baspasóz qyzmetiniń málimetine súıensek, shekteý aýa raıynyń nasharlaýyna, naqty aıtqanda aýa temperatýrasynyń tómendeýi men tumanǵa baılanysty engizilip otyr.
— Búgin saǵat 20.00-den bastap 19 qazan saǵat 07-00-ge deıin oblystyq mańyzy bar «Óskemen-Tarǵyn-Samar» tasjolynyń 63-145 shaqyrymynda (Tarǵyn aýyly men Samar aýylynyń arasy) dóńgelegi qystyqqa aýystyrylmaǵan kólik quraldaryna, tirkeme jáne jartylaı tirkemesi bar júk kólikterine qozǵalysqa shekteý engizildi, — delingen aqparatta.
Osy rette, qutqarýshylar óńir turǵyndaryna joldardyń jaı-kúıin «Dármen» mobıldi qosymshasy arqyly tekserip otyrýǵa keńes berdi.
Eske salsaq, osyǵan deıin qysqy dóńgelek taqpaǵan júrgizýshilerge qansha aıyppul salynatyndyǵy habarlanǵan.
