ShQO-daǵy jol kompanııasynyń dırektory jumys istemegen adamdardy tirkep, jalaqy tólep otyrǵan
ÓSKEMEN. KAZINFORM — Shyǵys Qazaqstan oblysyndaǵy jol kompanııasynyń basshysy adamdardy jalǵan jumysqa ornalastyrý faktisi boıynsha sottaldy.
ShQO sotynyń málimetine súıensek, «QAJservıs» JShS-nyń oblystyq fılıalynda qyzmetkerlerdi jalǵan jumysqa ornalastyrýǵa qatysty qylmystyq is boıynsha sot protsesi aıaqtaldy. Atalǵan kásiporyn respýblıkalyq mańyzy bar avtojoldardy kútip-ustaýmen aınalysqan.
— Belgili bolǵandaı, kásiporynnyń burynǵy dırektory jumysqa ornalastyrǵan adamdar eńbek kelisimsharttarynda kórsetilgen mindettemelerdi is júzinde atqarmaǵan. Soǵan qaramastan olarǵa jalaqy eseptelip, jumys ýaqyty tabelderi men qarjylyq qujattar laýazymdy tulǵalar men olardyń týystarynyń ótinishteri boıynsha bekitilip otyrǵan, — delingen aqparatta.
Áýeli birinshi satydaǵy sot aıyptalýshyǵa amnıstııa qoldanǵan. Alaıda kólik prokýratýrasy bul sheshimmen kelispeı, apellıatsııalyq shaǵym túsirdi.
Apellıatsııalyq sot amnıstııa qoldanýdy negizsiz dep tanyp, birinshi satydaǵy sot sheshiminiń kúshin joıdy. Osylaısha, aıyptalýshy kináli dep tanylyp, memleketke keltirilgen zalal tolyq kólemde óndirildi. Sot úkimi zańdy kúshine endi.
Eske salsaq, osyǵan deıin Temirtaýda 185 mıllıon teńgege zańsyz tsıfrlyq aktıv óndirgen azamat sottalǵany habarlanǵan.
