ShQO-daǵy jeti birdeı aýdandy sý basý qaýpi joǵary
ÓSKEMEN. KAZINFORM – Shyǵys Qazaqstan oblysy boıynsha 7 aýdandy sý basý qaýpi joǵary.
«Qazgıdromed» RMK ShQO fılıalynyń málimetine súıensek, óńir aýmaǵynda Katonqaraǵaı, Úlken Naryn, Marqakól aýdandarynda jáne Rıdder qalasynda sý tasqyny qaýpi ortasha deńgeıde. Al Zaısan, Tarbaǵataı, Kúrshim, Glýbokoe, Ulan, Samar jáne Altaı aýdandarynda sý basý qaýpi joǵary bolyp otyr.
- Shyǵys Qazaqstanda 2025 jyly oblystyń qalalary men aýdandarynyń sý tasqynyna qarsy is-sharalar jospary boıynsha 88 shara iske asyrylǵan. Qaýip artqan jaǵdaıda jeke quramnan 2511 adam, 242 motopompa, 46 júzý quraly jáne 800-den astam tehnıka ázirlendi. Sondaı-aq 64 myń ydys-qap, 9323 tonna ınertti materıaldar jáne 263 tonnadan astam janar-jaǵarmaı daıyndaldy, - dep habarlady oblystyq tótenshe jaǵdaılar departamentiniń baspasóz qyzmetinen.
Budan bólek, jergilikti atqarýshy organdar men TJD bólimsheleriniń kúshteri men quraldarynan arnaıy toptar qurylǵan.
Eske salsaq, buǵan deıin Shyǵys Qazaqstan oblysy Marqakól aýdanyndaǵy Orta Terekti sý qoımasy apatty jaǵdaıda turǵandyǵyn jazǵanbyz.