ShQO-daǵy jer úılerde pesh jaǵýda qaýipsizdik erejelerin buzýdyń 7 myńnan astam faktisi tirkeldi

ÓSKEMEN. KAZINFORM – Shyǵys Qazaqstan oblysynda jer úılerde órt qaýipsizdigi talaptaryn buzýdyń 16 myńnan astam faktisi tirkelip otyr. Onyń ishindegi 7 myńnan astamy pesh jaǵýǵa qatysty. 

ShQO TJD qyzmetkerleri jylytý maýsymy bastalǵaly turǵyn úı sektoryn jıi aralap, qaýipsizdik erejeleriniń saqtalýyn tekserýde. Osy ýaqytqa deıin pesh jaǵyp otyrǵan 57 myńnan astam úıge baqylaý jasaldy.

Ásirese kópbalaly otbasylarǵa, zeınetkerler men múmkindigi shekteýli jandar turatyn úılerge basa nazar aýdaryldy. Qutqarýshylar peshti jáne bitelgen murjany qalaı tazalaý kerektigin túsindirdi.

«Úılerdi aralaý kezinde órt qaýipsizdigi talaptar buzýdyń 16 myńnan astam faktisi anyqtaldy. Onyń ishinde 7145-i - peshke baılanysty, 6311-i elektr jelileri men elektr jabdyqtaryn paıdalanýǵa qatysty, al 2987-i basqa buzýshylyqtar. TJD qyzmetkerleriniń usynymdarymen turǵyndar 13090 buzýshylyqty sol jerde joıdy», - dep habarlady departamenttiń baspasóz qyzmetinen.

Aıta keteıik, oblysta kópbalaly otbasylardyń jáne qarttardyń úılerinde ýly gazdy anyqtaıtyn datchıkter ornatylyp jatyr. Sońǵy birneshe jylda ýaqtyly iske qosylǵan osy qurylǵylardyń arqasynda 42 adam qutqarylǵan.

Eske salsaq, buǵan deıin Shyǵys Qazaqstan oblysy Zaısan aýdanynda 600 tonna shóp otqa oranǵany habarlanǵan.