ShQO-daǵy jazǵy demalysqa arnalǵan eń úzdik 8 týrıstik baǵyt
ASTANA. KAZINFORM – Týrızm jáne sport mınıstrligi jazǵy demalysty Shyǵys Qazaqstan oblysynda ótkizýdi josparlaǵan otandyq jáne sheteldik týrısterge arnalǵan eń tartymdy segiz baǵytty usyndy.
Mınıstrlik málimetinshe, óńirdegi eń tanymal týrıstik oryndar tabıǵı sulýlyǵymen, erekshe landshaftymen jáne ekologııalyq týrızmge qolaıly múmkindikterimen erekshelenedi.
Marqakól kóli jáne Marqakól memlekettik tabıǵı qoryǵy
Teńiz deńgeıinen bıik ornalasqan móldir kól Ońtústik Altaıdyń kórkem tabıǵatymen tanymal. Týrıster munda baqylaý alańdaryn aralap, óńirdiń baı florasy men faýnasyn jáne jergilikti halyqtyń dástúrli turmysyn tamashalaı alady.
ıAzevoe kóli
Qatonqaraǵaı aýdanyndaǵy bul bıik taýly kólden Belýha shyńy aıqyn kórinedi. Óńir alpilik shalǵyndarymen, taýly tabıǵatymen jáne qol tımegen Altaı kórinisterimen erekshelenedi.
Sibe kólderi
Ulan aýdanyndaǵy bes kólden turatyn tabıǵı keshen móldir sýymen jáne granıtti jartastarymen tanymal. Munda Abylaıkıt monastyryn jáne erekshe tabıǵı panoramalardy kórýge bolady.
Buqtyrma sý qoımasy
Qazaqstandaǵy eń iri sý qoımalarynyń biri sanalatyn bul aımaqta demalys bazalary, qumdy jaǵajaılar men kórkem shyǵanaqtar ornalasqan.
Rıdder qalasy jáne Batys Altaı qoryǵy
Taýly aımaq salqyn klımaty, qalyń taıgasy jáne týrıstik baǵyttarynyń kóptigimen erekshelenedi. Munda taý kólderi, alpilik shalǵyndar jáne Altaıdyń baı tabıǵatyn tamashalaýǵa múmkindik bar.
Kıin-Kerish shatqaly
«Janyp turǵan jartastar» ataýymen belgili tabıǵı eskertkish túrli tústi sazdy shatqaldarymen áıgili. Mıllıondaǵan jyldar boıy jel men sý erozııasy qalyptastyrǵan erekshe landshaft týrısterdi qyzyqtyrady.
Qatonqaraǵaı memlekettik ulttyq tabıǵı parki
ıÝNESKO-nyń bıosferalyq rezervattar jelisine engen ulttyq park bıoalýantúrliligimen tanymal. Munda Belýha taýy, Kókkól sarqyramasy, Berel qorǵandary, Rahman qaınary jáne Altaıdyń kórkem ańǵarlary ornalasqan.
Aıta keteıik, Qazaqstan medıtsınalyq týrısterge arnalǵan «bir tereze» júıesin engizedi.
