ShQO-daǵy Jańa Buqtyrma kentiniń halqy kesheden beri jaryqsyz otyr
ÓSKEMEN. KAZINFORM – Shyǵys Qazaqstan oblysy Altaı aýdanyndaǵy Jańa Buqtyrma aýylynda keshe kabelde aqaý shyǵýy saldarynan turǵyndar jaryqsyz ári jylýsyz qalǵan.
Belgili bolǵandaı, kenttegi joǵary voltty kabel zaqymdanǵan. Sonyń saldarynan 4 jeltoqsanda keshki ýaqytta 3320 abonent jaryqsyz qaldy. Sondaı-aq elektr qýatynyń óshýi saldarynan jelige qosylǵan kabelde qysqa tuıyqtalý bolyp, kentti jylýmen qamtamasyz etip turǵan qazandyqtaǵy elektr sorǵy óship qaldy. Osylaısha, turǵyndardyń úıleri sýyp ketti.
Altaı aýdany ákimdiginiń málimetine súıensek, saǵat 23.00-de qazandyqty rezervtik kabelge aýystyrý arqyly jylýmen jabdyqtaý máselesi sheshildi.
– Qazirgi ýaqytta jaryqty qaıta qosý úshin tıisti jumystar júrgizilip jatyr. Joǵary voltty kabeldiń zaqymdanǵan jerin anyqtaý úshin aýylǵa elektr zerthanasy shaqyryldy. Anyqtalǵan soń birden qalypqa keltiriledi, - delingen aqparatta.
Eske salsaq, osyǵan deıin Qyzylordada qalanyń birqatar bóligi jaryqsyz qalǵany habarlanǵan.