ShQO-daǵy Zaısan aýdanynda qalǵan jalǵyz ardager qaıtys boldy

ÓSKEMEN. KAZINFORM — Shyǵys Qazaqstan oblysy Zaısan aýdanynda 102 jastaǵy Ekinshi dúnıejúzilik soǵys ardageri qaıtys boldy. 

Aýdan ákimdiginiń málimetine súıensek, Záken Qurmanqojanov Zaısandaǵy jalǵyz qalǵan Ekinshi dúnıejúzilik soǵys ardageri edi. Ol bıyl 102 jasqa kelgen.

— Záken Qurmanqojanovtyń otbasy men týǵan-týystaryna kóńil aıtamyz, — delingen aqparatta.

Aıta keteıik, maıdanger 1923 jyly Zaısan aýdanynda dúnıege kelgen. 1942 jyly Qyzyl ásker qataryna shaqyrylyp, alǵashynda Máskeý túbindegi maıdanǵa jiberilgen. Keıinirek tank batalonyna aýystyrylyp, dáldeýshi-atqysh retinde soǵysqa qatysqan.

Zaken Qurmanqojanov Smolensk, Kıev, Vıtebsk, Vılnıýs, Rıga qalalaryn azat etýge qatysyp, soǵystyń sońynda Berlınge deıin jetken.

Jaýyngerlik erligi men batyrlyǵy úshin ІІ dárejeli «Dańq» ordenimen, І dárejeli «Otan soǵysy» ordenimen, «Qyzyl Juldyz» ordenimen, «Erligi úshin», «Germanııany jeńgeni úshin», «Belarýsti azat etkeni úshin» medaldarymen, «Úzdik tankıst» tósbelgisimen marapattalǵan. 

Eske salsaq, osyǵan deıin Memleket basshysy Qasym-Jomart Toqaev Uly Otan soǵysynyń ardageri, «Halyq qaharmany» Ábdiǵalı Qaımoldınniń dúnıeden ótýine baılanysty onyń otbasy men jaqyn týystaryna kóńil aıtqany habarlanǵan.