ShQO-daǵy zańdastyrý komıssııasy múgedektigi bar qarııanyń úıin basqa adamnyń atyna zańsyz aýdarǵan

ÓSKEMEN. KAZINFORM – Shyǵys Qazaqstan oblysynyń prokýratýrasy múgedektigi bar qarııanyń basqa adamnyń atyna zańsyz aýdarylǵan úıin qaıtarýǵa kómektesti.

Samar aýdany prokýrorynyń jeke qabyldaýyna III toptaǵy múmkindigi shekteýli jan, qıyn ómirlik jaǵdaıǵa tap bolǵan 82 jastaǵy aýyl turǵyny kelgen. Óz sózinde ol turǵyn úı quqyǵyn qalpyna keltirýin kómektesýdi ótindi. 

Belgili bolǵandaı, buǵan deıin zeınetkerdiń jataqhanadaǵy jalǵyz bólmesi zańdastyrý komıssııasynyń sheshimimen basqa adamnyń atyna zańsyz aýdarylǵan. Zeınetkerdiń sotqa bergen aryzdary esh nátıje bermedi. Oblystyń birinshi jáne apellıatsııalyq satydaǵy sottary onyń aryzyn sotqa júginý merzimin ótkizip alǵandyqtan qanaǵattandyrmaǵan.

«Osyǵan qaramastan, aýdan prokýratýrasy zeınetkerge Joǵarǵy Sotqa kassatsııalyq shaǵym túsirýge kómektesip, jergilikti sottardyń sot aktileriniń kúshi joıylyp, is jańadan qaraýǵa jiberildi. Shyǵys Qazaqstan oblysynyń mamandandyrylǵan aýdanaralyq ákimshilik soty zańdastyrý komıssııasyna sheshiminiń kúshin joıý jáne zańsyz dep taný týraly talap qoıyldy», - dep habarlady ShQO Prokýratýrasynan.

Nátıjesinde, múmkindigi shekteýli jannyń turǵyn úıi qaıtarylyp, quqyǵy qorǵaldy.