ShQO-daǵy úsh jylý elektr ortalyǵynda 8 qazandyq pen 3 týrbına jóndeldi

ASTANA. KAZINFORM — ShQO-da 8 qazandyq pen 3 týrbınaǵa kúrdeli jóndeý aıaqtaldy, dep habarlaıdy Energetıka mınıstrliginiń baspasóz qyzmeti.

ShQO-daǵy úsh jylý elektr ortalyǵynda 8 qazandyq pen 3 týrbına jóndeldi
Foto: Gov.kz

Memleket basshysynyń Qazaqstan halqyna Joldaýynda berilgen tapsyrmalardy oryndaý aıasynda qoldanystaǵy elektr stantsııalaryn jańǵyrtýǵa jáne energetıkalyq jabdyqtardyń tehnıkalyq daıyndyǵyn qamtamasyz etýge erekshe kóńil bólinip otyr. Bul — jylytý maýsymyn senimdi ótkizýge qoıylatyn negizgi talaptardyń biri.

— Shyǵys Qazaqstan oblysynda elektr stantsııalarynyń negizgi energetıkalyq jabdyqtaryn kúrdeli jóndeý naýqany aıaqtaldy. Júıelik operatordyń josparyna sáıkes, bıyl 8 qazandyq agregaty men 3 týrboagregatqa kúrdeli jóndeý júrgizildi. Atap aıtqanda, Óskemen JEO-da 4 qazandyq pen 2 týrboagregat, Sogra JEO-da 3 qazandyq pen 1 týrboagregat, Rıdder JEO-da 1 qazandyq kúrdeli jóndeýden ótti. Júrgizilgen jumystar jabdyqtardy paıdalaný senimdiligin arttyrýǵa, olardyń tehnıkalyq daıyndyǵyn qamtamasyz etýge jáne joǵary júkteme kezeńinde stantsııalardyń turaqty jumys isteýine baǵyttalǵan, — delingen mınıstrlik taratqan aqparatta.

Qazir óńirdegi úsh jylý elektr ortalyǵy da elektr jáne jylý energııasyn óndirip jatyr. Stantsııalar turaqty jumys isteý úshin qajetti otyn qorymen qamtamasyz etilgen. Atap aıtqanda, Óskemen JEO-da 6 qazandyq pen 4 týrboagregat, Sogra JEO-da 3 qazandyq pen 2 týrboagregat, Rıdder JEO-da 4 qazandyq pen 1 týrboagregat jumys istep tur.

Energetıka mınıstrliginiń Memlekettik energetıkalyq qadaǵalaý jáne baqylaý komıteti jylytý maýsymynyń senimdi ótýin qamtamasyz etý baǵytyndaǵy jumystardy jalǵastyrady.