ShQO-daǵy úsh kompanııa jumysshylaryna 308 mln teńge jalaqy tólemegen

ÓSKEMEN. KAZINFORM – Shyǵys Qazaqstan oblysynda jumysshylaryna 308 mln teńge jalaqy tólemegen úsh kompanııa anyqtaldy.  

ShQO memlekettik eńbek ınspektsııasy basqarmasynyń málimetinshe, jyl basynan beri jeke jáne zańdy tulǵalardyń 454 ótinishi qaraldy. Sonyń ishinde 430 ótinish eńbekaqyǵa qatysty boldy.

«Eńbek qatynastary salasynda 108 tekserý júrgizildi. Nátıjesinde, 401 zańbuzýshylyq anyqtaldy. Naqty aıtqanda, eńbek qatynasyna qatysty – 191, eńbek qaýipsizdigi jáne eńbekti qorǵaý boıynsha – 210. Buǵan jol bergen jeke jáne zańdy tulǵalar ákimshilik jaýapkershilikke tartyldy. Qazirgi ýaqytta osy anyqtalǵan zań buzýshylyqtardyń 365-i joıylǵan. Qalǵany áli oryndalyp jatyr», - dedi basqarma basshysynyń orynbasary Qaırat Ábilqaıyrov.

Óńirdegi 3 kompanııanyń 498 jumysshy aldynda 308 mln teńge bereshegi bolǵan. Basqarma mamandarynyń aralasýynan keıin 100 mln teńgeden astam mólsherde jalaqy tólendi. 

«Búginde «KEMONT» AQ-nyń 136 mln teńge, «Shyǵys Stroı Grýpp» JShS-nyń 12 mln teńge, «VostokShahtoStroı» AQ-nyń 51 mln teńge bereshegi áli ótelmedi, - dedi Q.Ábilqaıyrov.