ShQO-daǵy Úlken Naryn aýylyndaǵy jylý qazandyǵynan aqaý shyqty

ÓSKEMEN. KAZINFORM – Shyǵys Qazaqstan oblysy Úlken Naryn aýdanynyń ortalyǵyndaǵy jylý qazandyǵynan aqaý shyqty.  

3 naýryz kúni Úlken Naryn aýylyndaǵy jylý qazandyǵynda mehanıkalyq kómir jetkizý júıesi isten shyqqan.

«Qazirgi ýaqytta jumysshylar kómirdi qazandyqqa qolmen salyp jatyr. Oqıǵa ornyna ShQO energetıka jáne TÚKSh basqarmasynyń basshysy Nurlan Ramazanov, Óskemen jáne Altaı qalalarynan arnaıy jumys toptary keldi», - deıdi Úlken Naryn aýdanynyń ákimi Eldos Baırahmetov.

Onyń aıtýynsha, tıisti jóndeý jumystary júrgizilip jatyr.

«Aldaǵy 6-8 saǵat ishinde qazandyq jumysy qalypqa keltiriledi. Halyqtan sabyr saqtap, túsinistik tanytýdy suraımyz», - deıdi ákim.