ShQO-daǵy týrıstik jerlerge QR jolnusqalar qoıylmaq

ÓSKEMEN. KAZINFORM — Shyǵys Qazaqstan oblysyna keletin týrısterge arnalǵan, týrıstik jerler týraly aqparat beretin QR jolnusqalar qoǵamdyq oryndarǵa qoıylady.

Óńir tabıǵaty Qazaqstannyń túkpir-túkpirindegi halyqtan bólek, sheteldikterdiń de zor qyzyǵýshylyǵyn týdyratyny belgili. Ásirese Katonqaraǵaı aýdany men Buqtyrma ózeni keńinen tanymal. Alaıda sol jaqtarǵa barǵysy keletinder áýeli Óskemenge keledi. 

ShQO ákimdiginiń málimetine súıensek, qaladaǵy áýejaıǵa, qoǵamdyq kólikterge, qonaq úılerge jáne basqa da týrıstik oryndarǵa oblystyń negizgi týrıstik jerleri týraly aqparat beretin QR-jolnusqalar qoıylady. Týrıster QR-kodty skanerleý arqyly Shyǵys Qazaqstan boıynsha qonaqúıler, dámhanalar, kórikti, mádenı jáne tabıǵı jerler týraly tolyq aqparat pen qajetti baılanys nómirlerdi ala alady.

— Sol arqyly halyq birden qaıda demalýǵa, tamaqtanýǵa nemese tıisti kómek alýǵa bolatyny týraly aqparatqa qol jetkizedi. Jolnusqalar ár adamǵa túsinikti ári yńǵaıly bolady, — delingen aqparatta.

Eske salsaq, osyǵan deıin ShQO-da panoramalyq vagondar jobasy nege iske aspaıtyn bolǵany jaıly jazǵanbyz.