ShQO-daǵy tasjoldardyń birinde qystyń sońyna deıin kólik qozǵalysy shekteldi
ÓSKEMEN.KAZINFORM – Shyǵys Qazaqstan oblysyndaǵy Ómesh asýy arqyly ótetin tasjolda kólik qozǵalysyna shekteý qoıyldy.
ShQO Tótenshe jaǵdaılar departamenti baspasóz qyzmetiniń málimetine súıensek, Óskemen men Katonqaraǵaı aralyǵyndaǵy Ómesh asýy arqyly ótetin joldaǵy shekteý 5 qarasha saǵat 08:00-den bastap kúshine enedi.
- Jol qozǵalysy qaýipsizdigin qamtamasyz etý maqsatynda «Óskemen-Altaı- Úlken Naryn-Katonqaraǵaı-Rahman qaınarlary» tasjolynyń 46-66 shaqyrymyndaǵy ýchaskesinde tirkemesi men jartylaı tirkemesi bar kólik quraldarynyń qozǵalysyna ýaqytsha shekteý engizildi. Bul shekteý qystyń sońyna deıin saqtalady, - delingen aqparatta.
Eske salsaq, osyǵan deıin Shyǵys Qazaqstan oblysynda qysta jol-kólik oqıǵalarynyń sany artatyny habarlanǵan.
