ShQO-daǵy tasjoldardyń biri kóliktiń barlyq túri úshin jabylady
ÓSKEMEN. KAZINFORM – Shyǵys Qazaqstan oblysyndaǵy tasjoldardyń birinde kólik qozǵalysyna tyıym salynady.
ShQO Tótenshe jaǵdaılar departamenti baspasóz qyzmetiniń málimetine súıensek, 13 qańtarda saǵat 10.00-den bastap oblystyq mańyzy bar «Óskemen-Tarǵyn-Samar» tasjolynyń 132-137 shaqyrymynda avtokóliktiń barlyq túri úshin qozǵalys jabylady.
- Atalǵan ýchaskede jasandy jolmen qar kóshkini júrgiziledi. Sondyqtan kólik júrgizýshilerinen túsinistik tanytyp, óz baǵyttaryn aldyn ala josparlap alýdy suraımyz, - dep habarlady vedomstvo ókilderi.
Osy rette, qutqarýshylar óńir jurtshylyǵyna alys saparǵa shyǵar aldynda joldardyń jaı-kúıin «Dármen» mobıldik qosymshasy arqyly tekserip otyrýǵa keńes berdi.
Eske salsaq, osyǵan deıin ShQO-da qar mol jaýǵandyqtan kóshkin júrý qaýpi artqany habarlanǵan.
