ShQO-daǵy taǵy eki aýdanda jumys ýaqyty bir saǵatqa shegerildi

ÓSKEMEN. KAZINFORM — Shyǵys Qazaqstan oblysyndaǵy Altaı jáne Ulan aýdandarynda jumys ýaqyty endi saǵat 08.00-de bastalady.

Jyl basynan beri oblystaǵy birneshe aýdan jańa jumys kestesine aýysty. Bul ózgeris alǵash bolyp Katonqaraǵaı aýdanynda jasalǵan. Kóp uzamaı Marqakól, Úlken Naryn, Zaısan, Tarbaǵataı, Samar, Kúrshim aýdandarynda da jumys ýaqyty bir saǵatqa shegerildi. Endi osyndaı jańashyldyq Altaı jáne Ulan aýdandarynda jasalyp otyr.

Jańa erejege saı, osy aýdandardaǵy memlekettik mekemeler men kásiporyndar tańǵy 08:00–den keshki 17:30–ǵa deıin jumys isteıdi. Túski úzilis 12:00–den 13:30–ǵa deıin belgilengen. Al mektepter, balabaqshalar men medıtsınalyq mekemeler burynǵy keste boıynsha jumysyn jalǵastyra beredi. Óıtkeni olardyń jumys ýaqyty burynnan osyndaı formatta qalyptasqan.
Altaı aýdanynda bul ózgerister tek memlekettik qurylymdardy ǵana emes, áleýmettik salany da qamtydy. Aýdan ákimi Renat Qurmambaev turǵyndardyń bul ózgeristi tolyqtaı qoldaǵanyn aıtty.

— Barlyq eldi mekende jumys kestesiniń ózgerýine qatysty kezdesýler ótti. Halyq jumys ýaqytyn ońtaılandyrý bastamasyn qoldady. Bul ózgeris azamattar úshin qolaıly jaǵdaı jasaýǵa baǵyttalǵan, — dedi Renat Qurmambaev.

Eske salsaq, buǵan deıin Katonqaraǵaı aýdanynda jumys ýaqyty bir saǵatqa keri shegerilgeni habarlanǵan. 

Keıin taǵy tórt aýdanda jumys ýaqyty ózgertildi.