ShQO-daǵy sport mektepteriniń jattyqtyrýshylary jalǵan dıplom paıdalanǵan

ÓSKEMEN. KAZINFORM – Shyǵys Qazaqstan oblysyndaǵy sport salasynda birqatar sybaılas jemqorlyq táýekelderi anyqtaldy.

ShQO Sybaılas jemqorlyqqa qarsy qyzmeti oblystyń Dene shynyqtyrý jáne sport basqarmasynyń, oǵan vedomstvolyq baǵynysty uıymdardyń qyzmetindegi sybaılas jemqorlyq táýekelderine syrtqy taldaý júrgizdi.

«Sonyń nátıjesinde, eleýli sybaılas jemqorlyq táýekelderi anyqtaldy. Atap aıtqanda, basqarma bıýdjet qarajatyn utymsyz paıdalanyp, satyp alynǵan qyzmetter boıynsha qarjylyq qujattama jasamaǵan. Qyzmetkerlerge negizsiz syılyqaqy berilip, jattyqtyrýshylardyń jalǵan dıplomdardy paıdalanǵany anyqtaldy. Sondaı-aq jalǵan oqý-jattyǵý jıyndaryn ótkizý faktileri de belgili bolyp otyr», - dep habarlady Antıkordan.

Taldaý qorytyndysy boıynsha sport basqarmasyna belgilengen táýekelderdi joıý boıynsha tıisti usynym berildi.