ShQO-daǵy soǵys ardagerleri men múgedekterine Jeńis kúninde 1,5 mln teńgeden beriledi

ÓSKEMEN. KAZINFORM – Shyǵys Qazaqstan oblysyndaǵy 14 soǵys ardageri men múgedegine Jeńis kúninde 1,5 mln teńgeden beriledi.

«Azamattarǵa arnalǵan úkimet» korporatsııasy AQ ShQO fılıalynyń málimetine súıensek, óńirde zeınetkerlik jasqa tolǵan adam sany 136 861 adamdy quraıdy. 

Onyń ishinde 14 UOS qatysýshysy men múgedegi, 362 ardager (tyl eńbekkerleri, blokada qatysýshylary, tutqynda bolǵandar jáne olardyń jesirleri), 5010 nagradtalmaǵan tyl eńbekkeri, 131 475 jasy boıynsha zeınetke shyqqandar.

«Jeńis kúniniń 79 jyldyǵyn merekeleý qarsańynda osy jyly 5 386 adamǵa 307,7 mln teńgege birjolǵy tólem kózdelgen. Naqty aıtqanda,14 soǵys ardageri men múgedegine 1,5 mln teńgeden, 362 tyl eńbekkeri, blokada qatysýshylary, tutqynda bolǵandar jáne olardyń jesirlerine 100 myń teńgeden, 5010 nagradtalmaǵan tyl eńbekkerine 50 myń teńgeden beriledi», - delingen aqparatta.

Tólemder 9 mamyrǵa deıin júrgiziledi.