ShQO-daǵy shekaralyq eki aýdanǵa zamanaýı sport alańdary salynady

ÓSKEMEN. KAZINFORM – Shyǵys Qazaqstan oblysyndaǵy shekaralyq eki aýdanǵa zamanaýı sport alańdary salynbaq.

Óńirde alǵash ret salynatyn osyndaı sport alańdary Qatonqaraǵaı men Zaısan aýdandarynda boı kóteredi. Buǵan «Samruk-Kazyna Trust» qory qarjylaı qoldaý kórsetip otyr. Jańa sport alańdary eki aýdannyń 20 myńnan astam turǵynyna sportpen shuǵyldanyp, salaýatty ómir saltyn damytýǵa múmkindik beredi.

«Shalǵaı, ári shekaralas aýdandarda árqaısysynyń jalpy aýmaǵy 1,7 myń sharshy metrdi quraıtyn alań paıda bolady. Onda jasandy kógalmen kómkerilgen aýmaǵy 40h20 metr fýtbol jáne 24h16 metr bolatyn basketbol alańdary, tolyqtaı qajetti qurylǵylarmen jabdyqtalǵan kólemi 16h16 vorkaýt aımaǵy salynady», - dep habarlady oblys ákimdiginen.

Alańnyń jan-jaǵy qorshalyp, abattandyrylady. Jospar boıynsha sport alańdary 2024 jyldyń 3 toqsanynda paıdalanýǵa beriledi.