ShQO-daǵy sharýa qojalyǵynda 240 tonna pishen janyp kete jazdady

Shyǵys Qazaqstan oblysy Altaı aýdanynda ornalasqan sharýa qojalyǵynda 240 tonna pishen janyp kete jazdady, dep habarlaıdy Kazinform.

ShQO TJD baspasóz qyzmetiniń málimetine súıensek, Altaı aýdany Maleevsk aýylyndaǵy sharýa qojalyǵynyń aýmaǵynda pishen órtengen.

Oqıǵa ornyna №2 mamandandyrylǵan órt sóndirý bólimshesiniń qyzmetkerleri shuǵyl kelip jetti. Sol kezde 28 tonna pishendi ot sharpyp jatqan.

«Tilsiz jaýmen kúreske ormanshylar, jaqyn mańdaǵy sharýa qojalyqtarynyń jumysshylary men aýyl halqy tartyldy. Olardyń qajyrly jáne úılesimdi jumysynyń arqasynda órt aýyzdyqtaldy. Nátıjesinde, 240 tonna pishendi saqtap qaldy», - delingen aqparatta.

Qyzyl jalynnyń shyǵýyna qasaqana órt qoıý nemese otty abaısyz paıdalaný sebep bolýy múmkin. Qazirgi ýaqytta tekserý júrgizilýde.