ShQO-daǵy Shalqar kólinde er adam sýǵa batyp ketti
ÓSKEMEN. KAZINFORM - Shyǵys Qazaqstan oblysyndaǵy Shalqar kólinde sýǵa batqan er adamnyń denesi úsh kún boıy tabylmaı jatyr.
Oqıǵa týraly qutqarýshylarǵa kýágerler habar bergen. Aldyn ala málimet boıynsha, qaıǵyly jaǵdaı 1 mamyr kúni Ulan aýdanyndaǵy Shalqar kólinde bolǵan.
- 2001 jyly týǵan jigit sapbord ústinde júrgen kezde belgisiz sebeppen sýǵa batyp ketken. Qazirgi ýaqytta oqıǵa ornynda izdestirý jumystary júrgizilip jatyr, - dep habarlady ShQO Tótenshe jaǵdaılar departamentiniń baspasóz qyzmetinen.
Іzdeý jumystaryna súńgýirler men júzý quraldary tartylǵan. Qutqarýshylarǵa sý tereńdigi men túbiniń kúrdeli bederi qıyndyq keltirip otyr.
Mamandardyń aıtýynsha, kún jylynǵaly beri sýdaǵy tótenshe jaǵdaılar sany artyp keledi, ásirese shomylýǵa arnalmaǵan oryndarda qaýip joǵary. Qutqarýshylar óńir turǵyndary men qonaqtaryn qaýipsizdik sharalaryn saqtaýǵa shaqyrdy.
Eske salsaq, osyǵan deıin Alma-Arasan shatqalynda jasóspirim jartastan qulap ketkeni habarlanǵan.
