ShQO-daǵy saýda oryndarynda baǵany negizsiz qymbattatýdyń 82 faktisi tirkeldi

ÓSKEMEN. KAZINFORM – Shyǵys Qazaqstan oblysynda baǵany orynsyz qymbattatyp jibergen saýdagerlerge aıyppul salynyp jatyr.

ШҚО-дағы сауда орындарында бағаны негізсіз қымбаттатудың 82 фактісі тіркелді
Фото: gov.kz

13 naýryzdan bastap elde saýda salasyndaǵy quqyq buzýshylyqtar úshin jazany qataıtatyn túzetýler kúshine engen bolatyn. Sol ýaqyttan beri Shyǵys Qazaqstanda áleýmettik mańyzy bar ónimderdi qymbatqa satqan kásipkerlerge baqylaý kúsheıtildi.

Belgili bolǵandaı, óńirde kartop, qyryqqabat, et baǵasy qymbattaǵan.

— Baǵany baqylaý úshin óńirlik komıssııa qurylyp, jumys istep jatyr. Komıssııa jumysynyń qorytyndysy boıynsha jyl basynan beri 82 zańbuzýshylyq tirkeldi. Kásipkerlerge hattama toltyrylyp, aıyppul salyndy, - dep habarlady ShQO Saýda jáne tutynýshylardyń quqyqtaryn qorǵaý basqarmasynan.

Aıta keteıik, zań boıynsha kásip ıesi kóterme satýshynyń nemese óndirýshiden satyp alǵan taýardyń baǵasyna 15 paıyzdan asyrmaı ústemeaqy belgileýi kerek. Atalǵan mólsherden asyrǵan jaǵdaıda kelesideı ákimshilik aıyppul salynady: jeke jáne shaǵyn kásipkerlik sýbektilerine — 5 AEK (19 600 teńge), orta kásipkerlik sýbektilerine — 35 AEK (137 620 teńge), iri kásipkerlik sýbektilerine — 150 AEK (589 800 teńge). Bir jyl ishinde zańdy qaıtalap buzǵany úshin aıyppul eki eselenedi.

Eske salsaq, buǵan deıin Pavlodarda áleýmettik mańyzy bar azyq-túlik baǵasyn ósirgen sheneýnikter jazalanǵany habarlanǵan. 

Сейчас читают