ShQO-daǵy iri dala órti sóndirildi

ÓSKEMEN. KAZINFORM – Shyǵys Qazaqstan oblysy Zaısan aýdanynda qamys pen shópti sharpyǵan jalyn tolyqtaı óshirildi.

Zaısan aýdanynyń Birjan aýyldyq okrýgine qarasty Shubyraǵash aýmaǵynda qamys pen qurǵaq shópti sharpyǵan jalyn sóndirildi.

- Aldyn ala derek boıynsha órttiń jalpy aýdany 2000 gektardy qurady. Zardap shekken eshkim joq, - dep habarlady ShQO Tótenshe jaǵdaılar departamentiniń baspasóz qyzmetinen.

Eske salsaq, osyǵan deıin Zaısan aýdanynda qamys órtengeni jaıly jazǵanbyz.

Órtti aýyzdyqtaýǵa tikushaq tartylǵan.

Oqıǵa ornynda órt sóndirýshilerden bólek 200-den astam adam jumys istedi. Olardyń ishinde 100 erikti jáne 100 jergilikti atqarýshy organ qyzmetkeri bar.