ShQO-daǵy parom isten shyǵyp, «Qyzyl Tý» ótkeliniń jumysy toqtady

ÓSKEMEN. KAZINFORM – Shyǵys Qazaqstan oblysy Buqtyrma sý qoımasynda «Qyzyl Tý» ótkelinde qatynaıtyn «Ertis» paromy isten shyqty. Bul týraly oblys ákimdiginen málim etti. 

«Ertis» paromynyń isten shyǵýyna baılanysty 15 qazan kúngi saǵat 7:00-den 14:00-ge deıin «Qyzyl Tý» parom ótkeliniń jumysy toqtatyldy. Qazirgi ýaqytta jóndeý-qalpyna keltirý jumystary júrgizilýde. Parom jumysy jaıly naqty aqparat keıin belgili boldy», - delingen habarlamada.

Ótkelde «Odessa» motorly kemesi belgilengen keste boıynsha qalypty rejımde jumys istep tur.

Aıta keteıik, «Qyzyl Tý» ótkeli Shyǵys Qazaqstandaǵy Samar men Kúrshim aýdandaryn jalǵap tur. Qazir sol jerge Prezıdent tapsyrmasymen kópir salynyp jatyr.

Eske salsaq, keshe uzyndyǵy 1316 metr eki jolaqty bul kópirdiń arnaıy synaqtan ótkeni habarlanǵan.