ShQO-daǵy ózen-kólderdegi sý sapasyn tekserý úshin 120-dan astam synama alyndy
ÓSKEMEN. KAZINFORM – Shyǵys Qazaqstan oblysynda shomylý maýsymy bastalǵaly beri mamandar halyq kóp demalatyn oryndardan 120-dan astam sý synamasyn alyp, zerttedi.
ShQO sanıtarlyq-epıdemıologııalyq baqylaý departamentiniń málimetinshe, monıtorıng oblystaǵy barlyq jaǵajaı aýmaqtaryn qamtyǵan.
Atap aıtqanda, «Katlovan» aýdanyndaǵy kommýnaldyq jaǵajaıda, «Samal» saıabaǵynda, Buqtyrma sý qoımasynda, basqa da kólder men ózender jaǵalaýynda ornalasqan demalys aımaqtary men balalardyń jazǵy saýyqtyrý lagerlerinde baqylaý júrgizildi.
- Zerthanalyq zertteýler 14 baqylaý núktesinde júrgizilip, jalpy sany 121 sý synamasy alyndy. Olar mıkrobıologııalyq, sanıtarlyq-hımııalyq, parazıtologııalyq jáne vırýsologııalyq kórsetkishter boıynsha tekserildi. Zertteýlerdiń barlyq nátıjeleri gıgıenalyq normatıvterge tolyq sáıkes keldi, - deıdi departament basshysy Qanat Turdıev.
ıAǵnı, Shyǵys Qazaqstannyń jaǵajaılarynda sý sapasyna qatysty qaýipti vırýstar anyqtalǵan joq. Departament mamandary ózen-kólderdegi sý sapasyn baqylaýdy shomylý maýsymy aıaqtalǵanǵa deıin jalǵastyrady.
Eske salsaq, osyǵan deıin Alakólde shomylý maýsymy bastalǵaly beri 10 bala joǵalǵany habarlanǵan.
