ShQO-daǵy orman órti oqshaýlandy
ASTANA. KAZINFORM - Búgin Ulan aýdanyndaǵy «Aıýda» shatqalynda ornalasqan «Asý-Bulaq orman sharýashylyǵy» mekemesiniń aýmaǵynda qurǵaq shóp, butalar jáne orman ósimdikteri jandy. Órttiń aldyn ala aýmaǵy 13 gektardy qurady, dep habarlaıdy QR Tótenshe jaǵdaılar mınıstrliginiń baspasóz qyzmeti.
Órtti sóndirýge QR Ekologııa jáne tabıǵı resýrstar mınıstrliginiń, TJD kúshteri men quraldary, «Qazavıaormanqorǵaý» mekemesiniń desantshylary, sondaı-aq TJM «Qazavıaqutqarý» AQ-nyń eki tikushaǵy jumyldyryldy. Órtti sóndirý jumystary jaıaý toptarmen júrgizildi. Sonymen qatar áýeden sý tógý jumystary júzege asyryldy. TJM avıatsııasy 13 márte sý aǵyzýdy júzege asyryp, jalpy kólemi 39 tonna sý tókti.
- Qabyldanǵan sharalardyń nátıjesinde órttiń negizgi oshaqtaryn oqshaýlaýǵa jáne jalynnyń aýqymdy aýmaqqa taralýyna jol berilmedi, - delingen habarlamada.
Osyǵan deıin ShQO-da ormandy sharpyǵan órtti aýyzdyqtaýǵa 2 tikushaq tartylǵany týraly jazdyq.
Sondaı-aq ShQO ormanyndaǵy órt oshaǵyna tikushaqpen 39 tonna sý tógildi.
